A poeta da Pobra de Brollón Olga Novo, Premio Nacional de Poesía 2020 pola súa obra "Feliz Idade", visitou a nosa biblioteca o pasado 20 de abril. Foi unha delicia charlar con ela e compartir uns momentos xusto antes da grabación da entrevista que varios alumnos de Bacharelato lle fixeron para un novo programa de Radio Bolboreta e da charla que deu no salón de actos do noso instituto e que foi presentada polo noso compañeiro e tamén escritor Xurxo Souto. Olga soubo contaxiarnos a súa paixón no relatorio que deu e que levaba por título "Ler para soñar. Escribir para vivir". Grazas por tanto, Olga, seguiremos léndote.
No hay comentarios:
Publicar un comentario