Pasan os cursos, pero non pasa a ilusión e as ganas de adentrarse na biblioteca e descubrir todos os recursos que se ofrecen a toda a comunidade educativa. O recén chegado alumnado de 1º de ESO acudiu á biblioteca para descubrir que aquí ten non só libros, senón tamén xogos, revistas, mochilas viaxeiras, películas e toda unha plataforma dixital cun bo feixe de recursos dixitais. Así que seguimos encantados de acompañarvos nesta andaina paseniñamente.
No Bibliotour deste ano tivemos ademais unha agradable sorpresa por parte dun alumno de 1º de ESO, quen sabía prácticamente case todo de Fiz Vergara Vilariño, o gran escritor que da nome á nosa biblioteca. Vémonos e lémonos.
