A entrada do instituto luce así de fermosa con motivo do "Día das matemáticas": un enorme cartel elaborado por alumnado e profesorado (estaba agochadiño na biblioteca como laboratorio de ideas e espazo maker) da a benvida a todo o que entra no noso centro. E como vedes, decenas de figuras feitas durante os obradoiros de papiroflexia realizados durante os recreos e dirixidos por profesorado do departamento de Matemáticas.
Dende a biblioteca sumámonos a esta celebración difundindo esta estupenda e nova experiencia e colaborando como xurado no concurso de Esopías, unha orixinal estructura literaria na que descubrimos novos talentos entre o noso alumnado.
Os/as gañadores/as foron:
- ESO e FP Básica:
- 1º premio, Noelia Boado Arias (2º FP Básica – Fab e Mont).
- Accésit, Kiowa Vera (1º ESO).
- Bacharelato:
- 1º premio, Lis Triana (1º Bac).
- Accésit, Valeria Vilar Hernández (1º Bac).
- Accésit, Eros López Rodríguez (2º Bach)
Noraboa a todos e que sigan crecendo e multiplicándose iniciativas tan didácticas, orixinais e culturais deste tipo!
Acompañamos esta singladura matemática expoñendo algúns dos fondos da biblioteca que podedes ver no expositor relacionados co tema:
No hay comentarios:
Publicar un comentario