Samaín 2015

O equipo de Dinamización Lingüística organizou un concurso de cabazas que como vedes no vídeo tivo moito éxito e no que os participantes fixeron alarde dun bo grado de imaxinación. Completou a mostra o mural en torno ao Samaín elaborado polo alumnado de 2º de ESO e de 1º de Formación Profesional Básica dirixidos pola profesora de galego Pilar Saavedra. Non vos perdades a monstruosa exposición de libros e películas de medo que a biblioteca expón debaixo das teas de araña e cos que pasaredes uns momentos terroríficos.