Na semana do 21 ao 25 de xaneiro de 1985 fixemos o traslado ata a actual ubicación.
O daquela Instituto de Formación Profesional ocupaba o edificio no que agora está a Casa da Cultura.
Esa semana de xaneiro do 85 decidimos trasladarnos cando aínda se estaba a rematar a obra. Levabamos tempo agardando pois a obra estivera parada e o estado do edificio vello era lamentable.
Tardaron case un mes en rematar de pintar e ultimar detalles, pero as clases non se interrumpiron.
Os alumnos baixaban as súas mesas e cadeiras e de seguido as colocaban nas novas aulas tan desexadas para comezar inmediatamente as clases, non tan desexadas.
Eu vivino e foi algo incrible.
Aquela semana empezou a súa historia esta biblioteca, antes os libros non tiñan sitio e menos os lectores....
O 31 de xaneiro xa celebramos a festa do patrón neste novo edificio e fixemos a primeira representación teatral neste recinto, unha dos montóns que viñeron despois. Foi unha adaptación de "A farsa das zocas", de Ricardo Carvalho Calero.
Os anos pasaron. A principios dos noventa pasamos a ser Instituto de Ensinanza Secundaria nº 1, para uns anos despois adoptar o nome de Gregorio Fernández.
A biblioteca, mentras, seguiu aí cuns cantos profesores moi implicados no tema, facendo actividades a esgalla.... Román, Matías, María, Felicitas,....
Chegou a primeira década dos 2000, o século XXI seica, e no ano 2006 puxémoslle a esta biblioteca o nome do noso poeta de Lóuzara, Fiz Vergara Vilariño. Supoño, realmente estou convencido, que estaría orgulloso de que esta biblioteca leve o seu nome.
En fin, aquí estamos, tedes 16.000 documentos arquivados que podedes ver, ler, sobar, usar,... enteiros á vosa disposición. O importante é que os usedes, que aí están: queremos que os sobedes!!!!
O resto, o tempo,.... non importa. Xa dicía, anos máis ou menos, no seu tango Gardel: "....sentir que es un soplo la vida, que 30 años no es nada".
Seguimos.
Eduardo
Suscribirse a:
Enviar comentarios (Atom)
No hay comentarios:
Publicar un comentario