Este blog non publicará comentarios contra a dignidade das persoas ou do seu traballo.

Biblioteca "Fiz Vergara Vilariño"

miércoles, 25 de abril de 2018

Roteiro por Guitiriz. Achegamento ao poeta Díaz Castro


O pasado día 12 de abril o alumnado de 3º e 4º da ESO, do noso instituto, participou nun roteiro literario no I.E.S. de Guitiriz para coñecer a vida e a obra do poeta Díaz Castro.
Debido ás condicións meteorolóxicas, o roteiro, que inicialmente ía ser pola vila de Guitiriz, realizárono polo propio centro educativo que conta cunha alternativa preparada para estes casos. Depois de sermos acollidos pola dirección e responsables do roteiro, o noso alumnado recibiu unhas instrucións de mans d@s guías de 3º da ESO, encargad@s da presentación do roteiro, que os dividiron en tres grupos. O roteiro  estaba dividido en catro partes:
·         Lectura compartida de “Penélope” entre tod@s @s participantes.
·         “Poxa de lectura de poemas” de escritores contemporáneos de Díaz Castro, no que o reto era recitar rápido.
·         “A apócema poética”. Consitía na creación de haikus recollendo a inspiración con xogos que había que resolver en equipo.
·         O “léxico de Díaz Castro”. Esta actividade realizárona na biblioteca e consitiu nun bingo co léxico de poemas de Díaz Castro, no que tiñan que identificar palabra e significado. Ao rematar o bingo agasallábaselles co doce típico da vila como é a torta de Guitiriz.

Resultou unha actividade moi enriquecedora na que os guías e anfitrións foron os propios alumnos do instituto de Guitiriz, aos que lles agradecemos esta invitación e esta actividade na que tanto aprendemos.

No hay comentarios: