O club de lectura Manga arrancou coa chegada dos Deathnote

Temos un grupiño de rapaces moi motivados no Club de Lectura de Manga. Tanto é así que levaban días agardando a presentación en sociedade da colección de Manga Deathnote na nosa biblioteca. Por isto resultou moi gratificante ver como se agrandaban os seus ollos ao ver a colección completa na nosa biblioteca, e comprobar a paixón coa que abrían os libros que cheiraban a novo.
O club está dirixido por alumnos que se encargaron de introducir aos seus compañeiros nesta apaixoante historia, e que ansiaban por contar como segue, pero houbo que cortar aos spoilers, porque disto falaremos na próxima reunión.