Este blog non publicará comentarios contra a dignidade das persoas ou do seu traballo.

Biblioteca "Fiz Vergara Vilariño"

martes, 25 de abril de 2017

MES DO LIBRO: OBRADOIRO CON ROSENDO CID

Neste mes temos moita actividade na biblioteca. Son datas importantes nas que a biblitoca énchese de cousas! Coincidindo coa campaña autonómica da Rede de Bibliotecas Escolares: "Territorio das Artes" decidimos organizar un obradoiro co artista ouresán Rosendo Cid. Este artista ten traballado moito nos últimos anos na relación entre arte e literatura e moitos dos seus traballos teñen como soporte a publicación con distintos soportes e técnicas: a postal, o collage, o libro de artista, o caligrama, etc...

Con estes argumentos, Rosendo Cid traballou durante case dúas horas co alumnado de 1º de ESO. Primeiro, explicando e amosando distintos traballos artísticos seus e de outros/as artistas. Despois, realizando co noso alumnado un par de exercicios prácticos: a elaboración dun caligrama e un collage que tiña como base a "Gioconda" de Leonardo da Vinci. Como podedes ver, os resultados foron apabullantes! Vaia artistazas que temos no centro! Con estes traballos faremos unha exposición nos días vindeiros. Non deixedes de velos.


No hay comentarios: