O martes 18 de febreiro tivo lugar a V Olimpíada Galega de Xeoloxía na Escola Politécnica Superior da USC en Lugo. Simultaneamente celebrouse a mesma proba na Facultade de Bioloxía de Santiago e na Escola Superior de Minas de Vigo.
Tras realizar un exame por grupos e unha proba individual e competir con estudantes de varios centros de Lugo, de Viveiro e de Melide, os esforzados alumnos do noso instituto proclamáronse campións de grupo e campión individual. Resultaron gañadores no apartado individual Pedro Argüello de 4º de ESO e na categoría de grupo o citado alumno e Cristina Armesto (4º ESO), Lorena Díaz, Noelia Pérez e Talía Rodríguez (1º Bach).
Dende a biblioteca queremos dar a noraboa non só aos premiados senón tamén á profesora de Bioloxía e Xeloxía Mª Luz Guerreiro que os encamiñou a este concurso e que tanto se esforzou e lles ensinou para acadar este premio.
Podedes ler máis sobre isto no xornal da Universidade de Santiago
No hay comentarios:
Publicar un comentario