Este blog non publicará comentarios contra a dignidade das persoas ou do seu traballo.

Biblioteca "Fiz Vergara Vilariño"

jueves, 14 de febrero de 2019

Por San Valentín, namórate de min


Chegou o 14 de febreiro e con él mensaxes moi variadas, distintas e multilingües que a comunidade educativa plasmou en forma de corazón no panel exposto xunto ao expositor da biblioteca. Exprésate, le e goza do aquí che ofrecemos.

Falamos de "Como ser muller" no club de lectura



O club de lectura de adultas abordou o libro da escritora británica Catlin Moran "Como ser muller", todo un superventas dende que se publicou por primeira vez no 2011. É este un libro divertido, frívolo e controvertido que ás veces trivializa demasiado ou mostra puntos de vista contradictorios. Fala moito de feminismo, pero como unha das compoñentes do club dixo: de "feminismo rosa".
En calqueira caso, non te fies dos nosos comentarios, achégate á biblioteca e le este libro ás veces caótico, desagradable, ocurrente e sen pelos na lingua. Hai versións en castelán e galego, grazas ao labor de Rinoceronte Editora.

martes, 12 de febrero de 2019

Mochilas que namoran



Na semana do 14 de febreiro, lembramos que un tamén pode namorarse dos contos e das historias de ficción que habitan nos libros e nas películas, así que cargamos as mochilas cos nosos mellores desexos para que os rapaciños afortunados as saboreen coma se do mellor doce se tratara. Desta volta, os materiais da biblioteca marcharon para as casas de Javier Casanova Cabana e Eva González Parada de 1º da ESO, que deixaron todo o protagonismo da foto para as mochilas viaxeiras.

miércoles, 30 de enero de 2019

Mochileiros no Día da Paz

Os afortunados de 1º de ESO coa mochila viaxeira esta semana foron Lúa Celeiro Augusta e Diego Novo Veiga, que posaron así de contentos coas súas mochilas cargadiñas de materiais para compartir en familia. Noraboa!

martes, 29 de enero de 2019

30 de xaneiro: Día da Paz


Co gallo do pasamento de Mahatma Gandhi, o 30 de xaneiro celébrase o Día Escolar da Non Violencia e a Paz.

Dende a biblioteca queremos lembrar a necesidade da educación para a tolerancia, a solidariedade, o respecto aos Dereitos Humanos, a non violencia e a paz.

Con este motivo, fixemos unha selección de fondos para reflexionar sobre o tema enmarcados por frases de Mahatma Gandhi que seguen sendo válidas e universais.

viernes, 18 de enero de 2019

"Imos lendo", tamén en Radio Bolboreta.



Radio Bolboreta está moi activa. Acaba de saír o primeiro programa da serie Imos lendo, no que falarán de libros, lectura,... e tamén algo de cine. O último programa é unha entrevista a Lois, excompañeiro que estivo liado co noso club de lectura xuvenil nos seus inicios.
Ademais, dentro de Radio Bolboreta van adicar unha serie de programas ao longo do ano á Poesía, dado que este ano o lema das bibliotecas escolares é Poéticas diversas, e tamén, por suposto, porque nos gusta a poesía. O programa chamarase Poesía es ti.
Estes programas consistirán no recitado de poemas por parte de todo o alumnado e o profesorado que o desexe. O alumnado e o profesorado escollerá de 1 a 3 poemas que lle gusten e pasará a realizar a grabación dos mesmos cando así o desexe, no departamento de idiomas (poñédevos en contacto con Eduardo para isto).
Se non tedes un poema preferido, hai unha listaxe de poemas de onde podedes elixir. Cando os teñades decidido avisade para que non se produzan repeticións.Os programas que se vaian montando serán unha mestura dos poemas grabados e iranse publicando ao longo do curso. Esta convocatoria está tamén aberta a exprofesores e exalumnos.
Como vedes nas imaxes, as gravacións xa comezaron. Resulta unha experiencia innovadora, gratificante e moi agradable. Escoitádevos e espallade poemas. Paga a pena!
Dende Radio Bolboreta, agradecen a vosa colaboración e anímannos a participar.

jueves, 17 de enero de 2019

Novidades a esgalla



Van chegando algúns dos pedidos que fixestes a finais do ano pasado. E ahí están, os dez primeiros libriños da colección de Bakumnan e algunhas cousiñas mais. Toca ler e descubrir!

miércoles, 16 de enero de 2019

Aninovo, mochileiros novos


Hai que ver con que alegría comezan o ano este rapaciños, encantados de levar esas mochilas viaxeiras cargadiñas de materiais que se agochan xunto detrás das portas da nosa biblioteca. Desta volta, o 2019 agasallou a Sara Barja Núñez e Adrián González Pardo cunha chea de sorpresas que viaxan nas mochilas para eles e a súas familias.
Por certo, seica chegaron moitas novidades das que pedisteis polo Nadal á biblioteca, así que achegádevos o botade un ollo. Ídevos sorprender!

jueves, 13 de diciembre de 2018

O club de lectura de adultos enfrontouse a "La vida ante sí"


"La vida ante sí" do escritor francés Romain Gary é un deses libros singulares e imperecedeiros. Por él o seu autor recibiu o premio Goncourt baixo o seudónimo de Émile Ajar. Narra a tenra historia de Momo, un neno musulmán orfo que vive cunha vella prostituta xudea atormentada polos recordos de Auschwitz.
Nesta ocasión, as compoñentes do club de lectura estiveron acompañadas por Javi, un rapaz que está a facer as prácticas do master do profesorado e que tomou boa nota do que se coce no corazón do noso club. Foi este un libro que gustou moito a todos os membros e que recomendamos a calquera lector a partir dos dezaseis anos para este Nadal.
Así que se buscas unha boa historia, un libro ben escrito, cortiño, tenro e que fale de moitas cousas da vida, "La vida ante sí" pode ser un bo agasallo para estes días. De tódolos xeitos, Momo agárdate na biblioteca, así que dalle unha oportunidade este Nadal.

miércoles, 12 de diciembre de 2018

O Nadal vaise achegando á biblioteca

Moitas novidades temos este ano no noso expositor de Nadal. Como vedes, contamos cunha árbore de fabricación propia, neste caso elaborada no taller polos alumnos de 2º de Fabricación Mecánica baixo a dirección do seu profesor Xosé Antonio Ferreiro. O resto dos elementos sairon da imaxinación e o bo facer de varios membros do equipo de biblioteca. Ollade con atención!!!
Sabíades que tamén se poden facer bonecos con libros, ou apalpadores coas cousiñas que andan pola casa?
E entre tanta cousa non deixedes de prestar atención ás novidades e suxestións que están no expositor de Nadal. Hai novelas gráficas fantásticas, así que dádelles unha oportunidade.
Seguro que tamén tedes en mente algún libriño, película ou revista que debería estar na biblioteca. Escribide nun papeliño o seu título e mais o voso nome, e depositade a solicitude na caixa de correo. O Apalpador da biblioteca fará o resto. No 2019 achegádevos e comprobade se os vosos desexos se cumpliron.