The guinness of slogans

O concurso dos slogans chegou xa á súa quinta edición e sigue gozando dunha excelente saude.
Nesta ocasión, as gañadoras son:
Lucía Mato e Lorena Gómez (4º B), que atoparon e pegaron 167 slogans, e en segundo posto están : Tatiana Ceballos e Eva Fernández (4º A) que reunieron 139 slogans.
Dos slogans recollidos pensade neste, co que estamos totalmente dacordo: The greatest luxury in life is time. Savour every second.
Ademáis, aquelas parellas que pegaron máis de 15 slogans teñen dereito á excursión de xuño organizada pola biblioteca. A listaxe dos esforzados afortunados está no taboleiro da entrada da biblioteca. Noraboa a todos e seguide participando, que aínda podedes gañar a viaxe que seica este ano é ao estranxeiro!

O escritor Xosé Miranda, entre nós

O luns 1 de febreiro estivo na nosa biblioteca o escritor lucense Xosé Miranda, quen falou aos alumnos de 4º da ESO da súa novela Morning Star.
Se de seguro che gustou esta historia de piratas, non deixes de visitar o expositor da biblioteca, onde tes outras moitas obras escritas por Miranda, un escritor e profesor afable que sempre ten moito que contar. Dende a biblioteca agradecémoslle a súa presenza a él e máis ao dinamizador do Equipo de Normalización Lingüística, Manolo Muñiz.

Gañadoras do Concurso de Fotos

Como ben dixo o "Blogueiro Impertinente" os participantes fixeron un grande esforzo e veña a disparar fotos por aquí e por alá. Mostramos aquí as fotos gañadoras para que opinedes, vaia por diante que ao xurado costolle moito decidirse.

Viaxe a Compostela

O pasado xoves 28 de xaneiro os alumnos de 4º de E.S.O. marcharon cara Compostela para facer unha viaxe do máis cultural. Foron ao Parlamento, ao Pazo de Xelmirez, viron o Botafumeiro en acción, a Catedral e máis o Museo do Pobo Galego, entre outras cousas, acompañados polo seu profesor de Galego, Manolo Muñiz, e o seu titor, Roberto Rodríguez. Pasaron unha xornada estupenda que os que quedamos aquí envidiamos.

Concurso de fotos

O próximo venres 29 de xaneiro celebraremos o día do San Xoan Bosco, día do noso patrón, e entre outras actividades podedes apuntarvos ao concurso de fotos.
Bases:
- Podedes participar individualmente ou por parellas.
- Apuntádevos antes do 28 de xaneiro na biblioteca.
- O 29 de xaneiro desenrolarase o concurso do seguinte xeito:
- Ás 9 da mañá os participantes equipados coas súas cámaras dixitais ou teléfonos móbiles recibirán na biblioteca as instruccións sobre as fotos e os temas a fotografiar durante a mañá do 29 de xaneiro.
- Antes das 12:30 horas os participantes descargarán no ordenador da biblioteca unha selección de entre 5 e 10 fotos relacionadas cos temas encargados.
Haberá bos premios para:
- A mellor foto.
- A foto máis orixinal.
- O mellor conxunto de fotos.
Ademáis, o xurado poderá dar os accesits que considere oportunos a outras fotos de calidade.
E lembrade que para unha boa fotografía, olla a bibliografía do expositor. Contamos con vos: apunta e dispara.

Cans famosos

Nipper converteuse nunha icona da publicidade dunha famosa marca comercial da industria musical, His Master's Voice (La Voz de su Amo).

Estádelo vendo nesta imaxe acompañado dun gramófono e escoitando a voz do seu amo recentemente falecido.

Ocórresevos outro exemplo de mascota famosa?

Para animar as vosas mascotas: unha de gatos.

Rossini, que tiña moito sentido do humor, compuso este dueto bufo para burlarse das sopranos que desafinaban, non eran capaces de lembrar os textos das pezas e modificaban as partituras das súas óperas para o seu propio lucimento. Dous gatos que o visitaban na súa casa de Padua foron a súa inspiración. Deixámosvos coa interpretación de dous nenos do coro Les Petits Chanteurs à la Croix de Bois.

Onde se atoparán?

As mochilas están en mans de Andreina de los Ángeles (1º ESO A) e Rubén Villagrá (1º ESO B). O que está cada vez máis difícil é seguirlles o paso e non é que non o intentemos...

30 de xaneiro: Día da paz

Dende a biblioteca Mestres Goldar de Vigo, propóñennos una excelente selección de recursos para traballar co alumnado na rede, ás que podedes acceder picando en PAZ.

Ademáis, se queredes traballar o tema a través das moitas películas que hai na biblioteca, picade en CINE.

Ano novo, mascota nova

Volve o casting de mascotas para seleccionar a que será protagonista no 2010.

A túa mascota é xenial, é bonita, ten unhas habilidades increibles, cólleche os recados, xoga ao fútbol, ninguén se atrevería a tela en casa pero en realidade é taaan dócil?, gústalle disfrazarse, é a raíña das lambetadas, róeche as zapatillas, ... A túa mascota é a mellor? Pois non dubides en inscribila ó concurso.

Están todas invitadas a participar: cans, gatos, hamsters, periquitos, porcos, tarántulas, serpes, cabalos, ? A convocatoria está aberta a toda a comunidade educativa e especialmente está dirixida ao alumnado da ESO. Tedes de prazo ata o 15 de febreiro para presentalas na biblioteca e podes consultar as bases do concurso no seu tablón.

ATA A PRÓXIMA RODRIGO!!!