jueves, 22 de enero de 2015
"Ahora mismitos", un xenial espectáculo didáctico en torno aos mitos clásicos
Hoxe tivemos un gran honor: asistir ao espectáculo do actor sevillán Antonio Blanco, quen nunha xenial sesión teatral, por fin nos deixou claros quenes foron Pygmalión, Zeus, Afrodita, Paris, Atenea, Venus, as ninfas e algúns persoaxes máis que aínda que son míticos e moi antigos, son moito máis actuais do que algúns pensan.
E todo isto sen parar de rir durante hora e media, cun xenial actor cunha gracia sevillana "pa jartarse de rei". Así que benvidos sexan o inxenio que xunto coa orixinalidade e a cultura fixéronnos ver que se pode pasar moi ben sen novas tecnoloxías, simplemente volvendo aos clásicos. E como guinda final, o eloxio ao libro, ese aparello que se abre e se pecha e que segue a darnos tanto.
Dende a biblioteca, queremos agradecer á profesora de latín Chelo Inés Bouza a iniciativa de traer ao noso instituto este espectáculo ao tempo que abrimos os nosos brazos a toda a comunidade educativa e ás iniciativas culturais de calidade. Benvidas sexan!
Picando no enlace tedes máis información sobre a compañía Malajesolo, que representa a obra "Ahora mismitos"
Suscribirse a:
Enviar comentarios (Atom)
No hay comentarios:
Publicar un comentario