Bo Ano!

En Xaneiro de 2010 cumpriría 80 anos Uxío Novoneyra, poeta do Courel a quen se lle adica este ano que está a chegar a celebración das Letras Galegas.
Vaia, pois, unha felicitación de Nadal cun poema do poeta que dixo un día:

“COUREL dos tesos cumes que ollan de lonxe!
Eiquí síntese ben o pouco que é un home…” (1953)

NORDE último
das campanas da neve!
Frol de fumo!

PANOS brancos
esfiañados
da nebra
ouveando polos vales
polos soutos
i as devesas marelas
en busca dun caborco
ou dunha valiña outa
que os acolla
i os faga acougar!

Fiañas da nebra
rubindo
e baixando
á gaiola do aire
polas serras érmedas
e polos soutos despidos
do Nadal!

(Os eidos, 1955)